Ход Литургии

ДиаконПа́ки и҆ па́ки ми́ромъ гдⷭ҇ꙋ помо́лимсѧ.Па́ки и па́ки ми́ром Го́споду помо́лимся.

ХорГдⷭ҇и поми́лꙋй.Го́споди поми́луй.

ДиаконЗастꙋпѝ, спасѝ, поми́лꙋй и҆ сохранѝ на́съ бж҃е, твое́ю бл҃года́тїю.Заступи́, спаси́, поми́луй и сохрани́ нас бо́же, твое́ю благода́тию.

ХорГдⷭ҇и поми́лꙋй.Го́споди поми́луй.

ДиаконПрест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю со всѣ́ми ст҃ы́ми помѧнꙋ́вше, са́ми себѐ, и҆ дрꙋгъдрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ.Пресвяту́ю, пречи́стую, преблагослове́нную, сла́вную влады́чцу на́шу Богоро́дицу и присноде́ву марии́ю со все́ми святы́ми помяну́вше, са́ми себе́, и другъдру́га, и весь живо́т наш Христу́ Бо́гу предади́м.

ХорТебѣ̀ гдⷭ҇и.Тебе́ Го́споди.

ХорЄ҆диноро́дный сн҃е, и҆ сло́ве бж҃їй, безсме́ртенъ сы́й, и҆ и҆зво́ливый сп҃се́нїѧ на́шегѡ ра́ди воплоти́тисѧ ѿ ст҃ы́ѧ бцⷣы, и҆ приснодв҃ы мр҃і́и, непрело́жнѡ вочл҃вѣ́чивыйсѧ: распны́йсѧ же хрⷭ҇тѐ бж҃е, сме́ртїю сме́рть попра́вый, є҆ди́нъ сы́й ст҃ы́ѧ трⷪ҇цы, спрославлѧ́емый ѻ҆ц҃ꙋ̀ и҆ ст҃о́мꙋ дх҃ꙋ, сп҃сѝ на́съ.Единоро́дный сы́не, и сло́ве Бо́жий, безсме́ртен сый, и изво́ливый спасе́ния На́шего ра́ди воплоти́тися от Святы́я Богоро́дицы, и присноде́вы марии́и, непрело́жно вочелове́чивыйся: распны́йся же Христе́ бо́же, сме́ртию смерть попра́вый, еди́н сый Святы́я тро́ицы, спрославля́емый Отцу́ и Свято́му Ду́ху, спаси́ нас.

Священникпро себяГдⷭ҇и бж҃е на́шъ, є҆гѡ́же держа́ва не сказа́нна, и҆ сла́ва непостижи́ма, є҆гѡ́же ми́лость безмѣ́рна и҆ человѣколю́бїе неизрече́нно: са́мъ, влⷣко, по бл҃гоꙋтро́бїю твоемꙋ̀, при́зри на ны̀ и҆ на ст҃ы́й хра́мъ се́й, и҆ сотворѝ съ на́ми, и҆ молѧ́щимисѧ съ на́ми, бога̑тыѧ ми́лѡсти твоѧ̑ и҆ щедрѡ́ты твоѧ̑.Го́споди бо́же наш, его́же держа́ва не сказа́нна, и сла́ва непостижи́ма, его́же ми́лость безме́рна и человеколю́бие неизрече́нно: сам, влады́ко, по благоутро́бию твоему́, при́зри на ны и на Святы́й храм Сей, и сотвори́ с на́ми, и моля́щимися с на́ми, бога́тыя ми́лости твоя́ и щедро́ты твоя́.

Священникпро себяГдⷭ҇и бж҃е на́шъ, спасѝ лю́ди твоѧ̑ и҆ бл҃гословѝ достоѧ́нїе твоѐ, и҆сполне́нїе це́ркве твоеѧ̀ сохранѝ, ѡ҆свѧтѝ лю́бѧщыѧ благолѣ́пїе до́мꙋ твоегѡ̀: ты̀ тѣ́хъ воспросла́ви бж҃е́ственною твое́ю си́лою, и҆ не ѡ҆ста́ви на́съ ᲂу҆пова́ющихъ на тѧ̀.Го́споди бо́же наш, спаси́ лю́ди твоя́ и благослови́ достоя́ние твое́, исполне́ние це́ркве твоея́ сохрани́, освяти́ лю́бящыя благоле́пие до́му твоего́: ты тех воспросла́ви боже́ственною твое́ю си́лою, и не оста́ви нас упова́ющих на тя.

Священникпро себяИ҆́же ѻ҆́бщыѧ сїѧ̑, и҆ согла̑сныѧ дарова́вый на́мъ моли̑твы, и҆́же и҆ двѣма̀ и҆лѝ трє́мъ согласꙋ́ющымсѧ ѡ҆ и҆́мени твое́мъ прошє́нїѧ пода́ти ѡ҆бѣща́вый, са́мъ и҆ ны́нѣ ра̑бъ твои́хъ прошє́нїѧ къ поле́зномꙋ и҆спо́лни, подаѧ̀ на́мъ и҆ въ настоѧ́щемъ вѣ́цѣ позна́нїе твоеѧ̀ и҆́стины, и҆ въ бꙋ́дꙋщемъ живо́тъ вѣ́чный да́рꙋѧ.И́же о́бщыя сия́, и согла́сныя дарова́вый нам моли́твы, и́же и двема́ или́ трем согласу́ющымся о и́мени твое́м проше́ния пода́ти обеща́вый, сам и ны́не раб твои́х проше́ния к поле́зному испо́лни, подая́ нам и в настоя́щем ве́це позна́ние твоея́ и́стины, и в бу́дущем живо́т ве́чный да́руя.

ДиаконБл҃гословѝ, влⷣко, го́рнїй прⷭ҇то́лъ.Благослови́, влады́ко, го́рний престо́л.

СвященникБл҃гослове́нъ є҆сѝ на прⷭ҇то́лѣ сла́вы црⷭ҇твїѧ твоегѡ̀, сѣдѧ́й на херꙋві́мѣхъ, всегда̀, ны́нѣ и҆ при́снѡ, и҆ во вѣ́ки вѣкѡ́въ.Благослове́н еси́ на престо́ле Сла́вы Ца́рствия твоего́, седя́й на херуви́мех, всегда́, ны́не и при́сно, и во ве́ки веко́в.

Священникпро себяБж҃е ст҃ы́й, и҆́же во ст҃ы́хъ почива́ѧй, трист҃ы́мъ гла́сомъ ѿ серафі́мѡвъ воспѣва́емый и҆ ѿ херꙋві́мѡвъ славосло́вимый, и҆ ѿ всѧ́кїѧ нбⷭ҇ныѧ си́лы покланѧ́емый, и҆́же ѿ небытїѧ̀ во є҆́же бы́ти приведы́й всѧ́чєскаѧ, созда́вый человѣ́ка по ѻ҆́бразꙋ твоемꙋ̀ и҆ по подо́бїю, и҆ всѧ́кимъ твои́мъ дарова́нїемъ ᲂу҆краси́вый, даѧ́й просѧ́щемꙋ премꙋ́дрость и҆ ра́зꙋмъ, и҆ не презира́ѧй согрѣша́ющагѡ, но полага́ѧй на спасе́нїе покаѧ́нїе, сподо́бивый на́съ, смире́нныхъ и҆ недосто́йныхъ ра̑бъ твои́хъ, и҆ въ ча́съ се́й ста́ти пред̾ сла́вою ст҃а́гѡ твоегѡ̀ же́ртвенника, и҆ до́лжное тебѣ̀ поклоне́нїе и҆ славосло́вїе приноси́ти: са́мъ, влⷣко, прїимѝ и҆ ѿ ᲂу҆́стъ на́съ грѣ́шныхъ трист҃ꙋ́ю пѣ́снь, и҆ посѣти́ ны бл҃гостїю твое́ю, простѝ на́мъ всѧ́кое согрѣше́нїе во́льное же и҆ нево́льное, ѡ҆свѧтѝ на́шѧ дꙋ́шы и҆ тѣлеса̀, и҆ да́ждь на́мъ въ преподо́бїи слꙋжи́ти тебѣ̀ всѧ̑ дни̑ живота̀ на́шегѡ, моли́твами ст҃ы́ѧ бцⷣы, и҆ всѣ́хъ свѧты́хъ, ѿ вѣ́ка тебѣ̀ бл҃гоꙋгоди́вшихъ.Бо́же Святы́й, и́же во Святы́х почива́яй, трисвяты́м гла́сом от серафи́мов воспева́емый и от херуви́мов славосло́вимый, и от вся́кия небе́сныя Си́лы покланя́емый, и́же от небытия́ во е́же бы́ти приведы́й вся́ческая, созда́вый Челове́ка по о́бразу твоему́ и по подо́бию, и вся́ким твои́м дарова́нием украси́вый, дая́й прося́щему прему́дрость и ра́зум, и не презира́яй согреша́ющаго, но полага́яй на спасе́ние покая́ние, сподо́бивый нас, смире́нных и недосто́йных раб твои́х, и в час Сей ста́ти пред сла́вою Свята́го твоего́ же́ртвенника, и до́лжное тебе́ поклоне́ние и славосло́вие приноси́ти: сам, влады́ко, приими́ и от уст нас гре́шных трисвяту́ю песнь, и посети́ ны бла́гостию твое́ю, прости́ нам вся́кое согреше́ние во́льное же и нево́льное, освяти́ на́шя ду́шы и телеса́, и даждь нам в преподо́бии служи́ти тебе́ вся дни живота́ На́шего, моли́твами Святы́я Богоро́дицы, и всех святы́х, от ве́ка тебе́ благоугоди́вших.

Ꙗ҆́кѡ ст҃ъ є҆сѝ бж҃е на́шъ, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ.Я́ко Свят еси́ бо́же наш, и тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Священникпро себяВозсїѧ́й въ сердца́хъ на́шихъ. чл҃вѣколю́бче влⷣко, твоегѡ̀ бг҃оразꙋ́мїѧ нетлѣ́нный свѣ́тъ, и҆ мы́слєнныѧ на́ши ѿве́рзи ѻ҆́чи, во є҆ѵⷢ҇льскихъ твои́хъ проповѣ́данїй разꙋмѣ́нїе: вложѝ въ на́съ и҆ стра́хъ блаже́нныхъ твои́хъ за́повѣдей, да плотскі̑ѧ по́хѡти всѧ̑ попра́вше, дꙋхо́вное жи́тельство про́йдемъ, всѧ̑, ꙗ҆́же ко бл҃гоꙋгожде́нїю твоемꙋ̀, и҆ мꙋ́дрствꙋюще и҆ дѣ́юще. ты́ бо є҆сѝ просвѣще́нїе дꙋ́шъ и҆ тѣле́съ на́шихъ, хрⷭ҇тѐ бж҃е: и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь.Возсия́й в сердца́х на́ших. человеколю́бче влады́ко, твоего́ богоразу́мия нетле́нный Свет, и мы́сленныя на́ши отве́рзи о́чи, во ева́нгельских твои́х пропове́даний разуме́ние: вложи́ в нас и страх блаже́нных твои́х за́поведей, да плотски́я по́хоти вся попра́вше, духо́вное жи́тельство про́йдем, вся, я́же ко благоугожде́нию твоему́, и му́дрствующе и де́юще. ты бо еси́ просвеще́ние душ и теле́с на́ших, Христе́ бо́же: и тебе́ сла́ву возсыла́ем, со безнача́льным твои́м отце́м, и пресвяты́м и благи́м и животворя́щим твои́м Ду́хом, ны́не и при́сно, и во ве́ки веко́в, ами́нь.

ХорИ҆̀же херꙋві́мы та́йнѡ ѡ҆бразꙋ́юще, и҆ животворѧ́щей трⷪ҇цѣ трист҃ꙋ́ю пѣ́снь припѣва́юще, всѧ́кое ны́нѣ жите́йское ѿложи́мъ попече́нїе.И́же херуви́мы та́йно образу́юще, и животворя́щей тро́ице трисвяту́ю песнь припева́юще, вся́кое ны́не жите́йское отложи́м попече́ние.

Священникпро себяНикто́же досто́инъ ѿ свѧза́вшихсѧ плотски́ми похотьмѝ и҆ сластьмѝ приходи́ти, и҆лѝ прибли́житисѧ, и҆лѝ слꙋжи́ти тебѣ̀, цр҃ю̀ сла́вы: є҆́же бо слꙋжи́ти тебѣ̀, вели́ко и҆ стра́шно и҆ самѣ́мъ нбⷭ҇нымъ си́ламъ. но ѻ҆ба́че неизрече́ннагѡ ра́ди и҆ безмѣ́рнагѡ твоегѡ̀ человѣколю́бїѧ, непрело́жнѡ и҆ неизмѣ́ннѡ бы́лъ є҆сѝ человѣ́къ, и҆ а҆рхїере́й на́мъ бы́лъ є҆сѝ: и҆ слꙋже́бныѧ сеѧ̀ и҆ безкро́вныѧ же́ртвы свѧщеннодѣ́йствїе пре́далъ є҆сѝ на́мъ, ꙗ҆́кѡ влⷣка всѣ́хъ. ты́ бо є҆ди́нъ, гдⷭ҇и бж҃е на́шъ, влады́чествꙋеши нбⷭ҇ными и҆ земны́ми, и҆́же на прⷭ҇то́лѣ херꙋві́мстѣ носи́мый, и҆́же серафі́мѡвъ гдⷭ҇ь, и҆ цр҃ь і҆и҃левъ, и҆́же є҆ди́нъ ст҃ъ, и҆ во ст҃ы́хъ почива́ѧй. тѧ̀ ᲂу҆̀бо молю̀ є҆ди́наго блага́го и҆ благопослꙋшли́ваго: при́зри на мѧ̀ грѣ́шнаго и҆ непотре́бнаго раба̀ твоего̀, и҆ ѡ҆чи́сти мою̀ дꙋ́шꙋ и҆ се́рдце ѿ со́вѣсти лꙋка́выѧ, и҆ ᲂу҆довли́ мѧ, си́лою ст҃а́гѡ твоегѡ̀ дх҃а, ѡ҆блече́на благода́тїю свѧще́нства, предста́ти ст҃ѣ́й твое́й се́й трапе́зѣ, и҆ свѧщеннодѣ́йствовати ст҃о́е и҆ пречⷭ҇тое твоѐ тѣ́ло, и҆ честнꙋ́ю кро́вь. къ тебѣ́ бо прихождꙋ̀ прикло́нь мою̀ вы́ю, и҆ молю́ ти сѧ, да не ѿврати́ши лица̀ твоегѡ̀ ѿ менѐ, нижѐ ѿри́неши менѐ ѿ ѻ҆́трѡкъ твои́хъ: но сподо́би принесє́ннымъ тебѣ̀ бы́ти, мно́ю грѣ́шнымъ и҆ недосто́йнымъ рабо́мъ твои́мъ, дарѡ́мъ си̑мъ. ты́ бо є҆сѝ приносѧ́й и҆ приноси́мый, и҆ прїе́млѧй и҆ раздава́емый хрⷭ҇тѐ бж҃е на́шъ, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ прест҃ы́мъ, и҆ благи́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ.Никто́же досто́ин от связа́вшихся плотски́ми похотьми́ и сластьми́ приходи́ти, или́ прибли́житися, или́ служи́ти тебе́, Царю́ Сла́вы: е́же бо служи́ти тебе́, вели́ко и стра́шно и саме́м небе́сным си́лам. но оба́че неизрече́ннаго ра́ди и безме́рнаго твоего́ человеколю́бия, непрело́жно и неизме́нно был еси́ Челове́к, и архиере́й нам был еси́: и служе́бныя сея́ и безкро́вныя же́ртвы священноде́йствие пре́дал еси́ нам, я́ко влады́ка всех. ты бо еди́н, Го́споди бо́же наш, влады́чествуеши небе́сными и земны́ми, и́же на престо́ле херуви́мсте носи́мый, и́же серафи́мов Госпо́дь, и Царь Изра́илев, и́же еди́н Свят, и во Святы́х почива́яй. тя у́бо молю́ еди́наго блага́го и благопослушли́ваго: при́зри на мя гре́шнаго и непотре́бнаго раба́ твоего́, и очи́сти мою́ ду́шу и се́рдце от со́вести лука́выя, и удовли́ мя, си́лою Свята́го твоего́ Ду́ха, облече́на благода́тию свяще́нства, предста́ти святе́й твое́й Сей трапе́зе, и священноде́йствовати Свято́е и пречи́стое твое́ Те́ло, и честну́ю Кровь. к тебе́ бо прихожду́ прикло́нь мою́ вы́ю, и молю́ ти ся, да не отврати́ши лица́ твоего́ от мене́, ниже́ отри́неши мене́ от О́трок твои́х: но сподо́би принесе́нным тебе́ бы́ти, мно́ю гре́шным и недосто́йным рабо́м твои́м, даро́м сим. ты бо еси́ принося́й и приноси́мый, и прие́мляй и раздава́емый Христе́ бо́же наш, и тебе́ сла́ву возсыла́ем, со безнача́льным твои́м отце́м, и пресвяты́м, и благи́м, и животворя́щим твои́м Ду́хом, ны́не и при́сно, и во ве́ки веко́в.

СвященникМи́ръ всѣ̑мъ.Мир всем.

ХорИ҆ дх҃ови твоемꙋ̀.И ду́хови твоему́.

ДиаконВозлю́бимъ дрꙋгъдрꙋ́га, да є҆диномы́слїемъ и҆сповѣ́мы.Возлю́бим другъдру́га, да единомы́слием испове́мы.

ХорѺ҆ц҃а̀, и҆ сн҃а, и҆ ст҃а́го дх҃а, трⷪ҇цꙋ є҆диносꙋ́щнꙋю, и҆ нераздѣ́льнꙋю.Отца́, и сы́на, и Свята́го Ду́ха, тро́ицу единосу́щную, и неразде́льную.

ХорВѣ́рꙋю во є҆ди́наго бг҃а ѻ҆ц҃а̀ вседержи́телѧ, творца̀ нб҃ꙋ и҆ землѝ, ви̑димымъ же всѣ̑мъ и҆ неви̑димымъ. И҆ во є҆ди́наго гдⷭ҇а і҆и҃са хрⷭ҇та̀, сн҃а бж҃їѧ, є҆диноро́днаго, и҆́же ѿ ѻ҆ц҃а̀ рожде́ннаго пре́жде всѣ́хъ вѣ̑къ. Свѣ́та ѿ свѣ́та, бг҃а и҆́стинна ѿ бг҃а и҆́стинна, рожде́нна, не сотворе́нна, є҆диносꙋ́щна ѻ҆ц҃ꙋ̀, и҆́мже всѧ̑ бы́ша. На́съ ра́ди человѣ̑къ, и҆ на́шегѡ ра́ди спасе́нїѧ, сше́дшаго съ нб҃съ, и҆ воплоти́вшагосѧ ѿ дх҃а ст҃а и҆ мр҃і́и дв҃ы, и҆ вочеловѣ́чшасѧ. Распѧ́таго же за ны̀ при понті́йстѣмъ пїла́тѣ, и҆ страда́вша, и҆ погребе́нна, и҆ воскрⷭ҇шаго въ тре́тїй де́нь по писа́нїємъ. И҆ возше́дшаго на нб҃са̀, и҆ сѣдѧ́ща ѡ҆деснꙋ́ю ѻ҆ц҃а̀. И҆ па́ки грѧдꙋ́щаго со сла́вою, сꙋди́ти живы̑мъ и҆ мє́ртвымъ, є҆гѡ́же црⷭ҇твїю не бꙋ́детъ конца̀. И҆ въ дх҃а ст҃а́го, гдⷭ҇а, животворѧ́щаго, и҆́же ѿ ѻ҆ц҃а̀ и҆сходѧ́щаго, и҆́же со ѻ҆ц҃е́мъ и҆ сн҃омъ спокланѧ́ема и҆ ссла́вима, глаго́лавшаго прⷪ҇ро́ки. Во є҆ди́нꙋ ст҃ꙋ́ю собо́рнꙋю и҆ а҆пⷭ҇льскꙋю цр҃ковь. И҆сповѣ́дꙋю є҆ди́но кр҃ще́нїе, во ѡ҆ставле́нїе грѣхѡ́въ. Ча́ю воскрⷭ҇нїѧ ме́ртвыхъ: И҆ жи́зни бꙋ́дꙋщагѡ вѣ́ка. А҆ми́нь.Ве́рую во еди́наго Бо́га Отца́ вседержи́теля, творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, сы́на Бо́жия, единоро́днаго, и́же от Отца́ рожде́ннаго пре́жде всех век. Све́та от све́та, Бо́га и́стинна от Бо́га и́стинна, рожде́нна, не сотворе́нна, единосу́щна Отцу́, и́мже вся бы́ша. Нас ра́ди Челове́к, и На́шего ра́ди спасе́ния, сше́дшаго с небе́с, и воплоти́вшагося от Ду́ха Свя́та и марии́и де́вы, и вочелове́чшася. Распя́таго же за ны при понти́йстем пила́те, и страда́вша, и погребе́нна, и воскре́сшаго в тре́тий день по писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою, суди́ти живы́м и ме́ртвым, его́же ца́рствию не бу́дет конца́. И в Ду́ха Свята́го, Го́спода, животворя́щаго, и́же от Отца́ исходя́щаго, и́же со отце́м и сы́ном спокланя́ема и ссла́вима, глаго́лавшаго проро́ки. Во еди́ну святу́ю собо́рную и апо́стольскую Це́рковь. Испове́дую еди́но креще́ние, во оставле́ние грехо́в. Ча́ю воскре́сния ме́ртвых: И жи́зни бу́дущаго ве́ка. Ами́нь.

СвященникДвє́ри, двє́ри премꙋ́дростїю во́нмемъ.Две́ри, две́ри прему́дростию во́нмем.

Священникпро себяВозлюблю̀ тѧ̀ гдⷭ҇и, крѣ́посте моѧ̀, гдⷭ҇ь ᲂу҆твержде́нїе моѐ, и҆ прибѣ́жище моѐ.Возлюблю́ тя Го́споди, кре́посте моя́, Госпо́дь утвержде́ние мое́, и прибе́жище мое́.

ДиаконСта́немъ до́брѣ, ста́немъ со стра́хомъ, во́нмемъ, ст҃о́е возноше́нїе въ ми́рѣ приноси́ти.Ста́нем до́бре, ста́нем со стра́хом, во́нмем, Свято́е возноше́ние в ми́ре приноси́ти.

ХорМи́лость ми́ра, же́ртвꙋ хвале́нїѧ.Ми́лость ми́ра, же́ртву хвале́ния.

СвященникБл҃года́ть гдⷭ҇а на́шегѡ і҆и҃са хрⷭ҇та̀, и҆ любы̀ бг҃а и҆ ѻ҆ц҃а̀, и҆ прича́стїе ст҃а́гѡ дх҃а, бꙋ́ди со всѣ́ми ва́ми.Благода́ть Го́спода На́шего Иису́са Христа́, и любы́ Бо́га и Отца́, и прича́стие Свята́го Ду́ха, бу́ди со все́ми ва́ми.

ХорИ҆ со дх҃омъ твои́мъ.И со Ду́хом твои́м.

СвященникГорѣ̀ и҆мѣ́имъ сердца̀.Горе́ име́им сердца́.

ХорИ҆́мамы ко гдⷭ҇ꙋ.И́мамы ко Го́споду.

СвященникБл҃годари́мъ гдⷭ҇а.Благодари́м Го́спода.

ХорДосто́йно и҆ пра́ведно є҆́сть, покланѧ́тисѧ ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, трⷪ҇цѣ є҆диносꙋ́щнѣй и҆ нераздѣ́льнѣй.Досто́йно и пра́ведно есть, покланя́тися Отцу́, и Сы́ну, и Свято́му Ду́ху, тро́ице единосу́щней и неразде́льней.

ХорСт҃ъ, ст҃ъ, ст҃ъ гдⷭ҇ь саваѡ́ѳъ, и҆спо́лнь нб҃о и҆ землѧ̀ сла́вы твоеѧ̀, ѡ҆са́нна въ вы́шнихъ, бл҃гослове́нъ грѧды́й во и҆́мѧ гдⷭ҇не, ѡ҆са́нна въ вы́шнихъ.Свят, Свят, Свят Госпо́дь Савао́ф, испо́лнь не́бо и земля́ Сла́вы твоея́, оса́нна в вы́шних, благослове́н Гряды́й во и́мя Госпо́дне, оса́нна в вы́шних.

Священникпро себяДосто́йно и҆ пра́ведно тѧ̀ пѣ́ти, тѧ̀ бл҃гослови́ти, тѧ̀ хвали́ти, тѧ̀ бл҃годари́ти, тебѣ̀ покланѧ́тисѧ на всѧ́комъ мѣ́стѣ влⷣчествїѧ твоегѡ̀: ты́ бо є҆сѝ бг҃ъ неизрече́ненъ, недовѣ́домь, неви́димь, непостижи́мь, при́снѡ сы́й, та́кожде сы́й, ты̀ и҆ є҆диноро́дный тво́й сн҃ъ, и҆ дх҃ъ тво́й ст҃ы́й. ты̀ ѿ небытїѧ̀ въ бытїѐ на́съ приве́лъ є҆сѝ, и҆ ѿпа́дшыѧ возста́вилъ є҆сѝ па́ки, и҆ не ѿстꙋпи́лъ є҆сѝ всѧ̑ творѧ̀, до́ндеже на́съ на нб҃о возве́лъ є҆сѝ, и҆ црⷭ҇тво твоѐ дарова́лъ є҆сѝ бꙋ́дꙋщее. ѡ҆ си́хъ всѣ́хъ благодари́мъ тѧ̀, и҆ є҆диноро́днаго твоего̀ сн҃а, и҆ дх҃а твоего̀ ст҃а́го, ѡ҆ всѣ́хъ, и҆́хже вѣ́мы, и҆ и҆̀хже не вѣ́мы, ꙗ҆вле́нныхъ и҆ неѧ́вленныхъ бл҃годѣѧ́нїихъ бы́вшихъ на на́съ. бл҃годари́мъ тѧ̀ и҆ ѡ҆ слꙋ́жбѣ се́й, ю҆́же ѿ рꙋ́къ на́шихъ прїѧ́ти и҆зво́лилъ є҆сѝ. а҆́ще и҆ предстоѧ́тъ тебѣ̀ ты́сѧщы а҆рха́гг҃лѡвъ, и҆ тмы̑ а҆́гг҃лѡвъ, херꙋві́ми, и҆ серафі́ми шестокрила́тїи, многоѻчи́тїи возвыша́щїисѧ перна́тїи.Досто́йно и пра́ведно тя пе́ти, тя благослови́ти, тя хвали́ти, тя благодари́ти, тебе́ покланя́тися на вся́ком ме́сте влады́чествия твоего́: ты бо еси́ Бог неизрече́нен, недове́домь, неви́димь, непостижи́мь, при́сно сый, та́кожде сый, ты и единоро́дный твой сын, и Дух твой Святы́й. ты от небытия́ в бытие́ нас приве́л еси́, и отпа́дшыя возста́вил еси́ па́ки, и не отступи́л еси́ вся творя́, до́ндеже нас на не́бо возве́л еси́, и Ца́рство твое́ дарова́л еси́ бу́дущее. о сих всех благодари́м тя, и единоро́днаго твоего́ сы́на, и Ду́ха твоего́ Свята́го, о всех, и́хже ве́мы, и и́хже не ве́мы, явле́нных и нея́вленных благодея́ниих бы́вших на нас. благодари́м тя и о слу́жбе Сей, ю́же от рук на́ших прия́ти изво́лил еси́. а́ще и предстоя́т тебе́ ты́сящы арха́нгелов, и тмы а́нгелов, херуви́ми, и серафи́ми шестокрила́тии, многоочи́тии возвыша́щиися перна́тии.

Возглаше́нїе: Побѣ́днꙋю пѣ́снь пою́ще, вопїю́ще, взыва́юще и҆ глаго́люще.Возглаше́ние: Побе́дную песнь пою́ще, вопию́ще, взыва́юще и глаго́люще.

СвященникСъ си́ми и҆ мы̀ блаже́нными си́лами, влⷣко человѣколю́бче, вопїе́мъ и҆ глаго́лемъ: ст҃ъ є҆сѝ и҆ прест҃ъ, ты̀ и҆ є҆диноро́дный тво́й сн҃ъ, и҆ дх҃ъ тво́й ст҃ы́й. ст҃ъ є҆сѝ и҆ прест҃ъ, и҆ великолѣ́пна сла́ва твоѧ̀, и҆́же мі́ръ тво́й та́кѡ возлюби́лъ є҆сѝ, ꙗ҆́коже сн҃а твоего̀ є҆диноро́днаго да́ти: да всѧ́къ вѣ́рꙋѧй въ него̀ не поги́бнетъ, но и҆́мать живо́тъ вѣ́чный, и҆́же прише́дъ, и҆ всѐ є҆́же ѡ҆ на́съ смотре́нїе и҆спо́лнивъ, въ но́щь въ ню́же предаѧ́шесѧ, па́че же са́мъ себѐ предаѧ́ше, за мїрскі́й живо́тъ, прїе́мъ хлѣ́бъ во ст҃ы̑ѧ своѧ̑ и҆ пречи̑стыѧ и҆ непоро̑чныѧ рꙋ́ки, бл҃годари́въ и҆ бл҃гослови́въ, ѡ҆свѧти́въ, преломи́въ, дадѐ ст҃ы̑мъ свои̑мъ ᲂу҆ч҃нкѡ́мъ и҆ а҆пⷭ҇лѡмъ, ре́къ:С си́ми и мы блаже́нными си́лами, влады́ко человеколю́бче, вопие́м и глаго́лем: Свят еси́ и пресвя́т, ты и единоро́дный твой сын, и Дух твой Святы́й. Свят еси́ и пресвя́т, и великоле́пна сла́ва твоя́, и́же мир твой та́ко возлюби́л еси́, я́коже сы́на твоего́ единоро́днаго да́ти: да всяк ве́руяй в него́ не поги́бнет, но и́мать живо́т ве́чный, и́же прише́д, и все е́же о нас смотре́ние испо́лнив, в нощь в ню́же предая́шеся, па́че же сам себе́ предая́ше, за мирски́й живо́т, прие́м хлеб во Святы́я своя́ и пречи́стыя и непоро́чныя ру́ки, благодари́в и благослови́в, освяти́в, преломи́в, даде́ святы́м свои́м ученико́м и Апо́столом, рек:

Возглаше́нїе:Возглаше́ние:

Прїими́те, ꙗ҆ди́те, сїѐ є҆́сть тѣ́ло моѐ є҆́же за вы̀ ломи́мое во ѡ҆ставле́нїе грѣхѡ́въ.Приими́те, яди́те, сие́ есть Те́ло мое́ е́же за вы ломи́мое во оставле́ние грехо́в.

ХорА҆ми́нь.Ами́нь.

СвященникСщ҃е́нникъ та́йнѡ: Подо́бнѣ и҆ ча́шꙋ по ве́чери, глаго́лѧ:Свяще́нник та́йно: Подо́бне и ча́шу по ве́чери, глаго́ля:

Возглаше́нїе:Возглаше́ние:

Пі́йте ѿ неѧ̀ всѝ, сїѧ̀ є҆́сть кро́вь моѧ̀ но́вагѡ завѣ́та, ꙗ҆́же за вы̀ и҆ за мнѡ́гїѧ и҆злива́емаѧ, во ѡ҆ставле́нїе грѣхѡ́въ.Пи́йте от нея́ вси, сия́ есть Кровь моя́ но́ваго Заве́та, я́же за вы и за мно́гия излива́емая, во оставле́ние грехо́в.

ХорА҆ми́нь.Ами́нь.

ХорТебѐ пое́мъ, тебѐ бл҃гослови́мъ, тебѣ̀ бл҃годари́мъ гдⷭ҇и, и҆ мо́лимъ ти сѧ, бж҃е на́шъ.Тебе́ пое́м, тебе́ благослови́м, тебе́ благодари́м Го́споди, и мо́лим ти ся, бо́же наш.

ХорДосто́йно є҆́сть ꙗ҆́кѡ вои́стиннꙋ, блажи́ти тѧ̀ бцⷣꙋ, приснобл҃же́ннꙋю, и҆ пренепоро́чнꙋю, и҆ мт҃рь бг҃а на́шегѡ.Досто́йно есть я́ко вои́стинну, блажи́ти тя Богоро́дицу, присноблаже́нную, и пренепоро́чную, и Ма́терь Бо́га На́шего.

Чⷭ҇тнѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ тѧ̀ велича́емъ.Честне́йшую херуви́м, и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу тя велича́ем.

СвященникСт҃а̑ѧ ст҃ы̑мъ.Свята́я святы́м.

ХорЄ҆ди́нъ ст҃ъ, є҆ди́нъ гдⷭ҇ь, і҆и҃съ хрⷭ҇то́съ, во сла́вꙋ бг҃а ѻ҆ц҃а̀, а҆ми́нь.Еди́н Свят, еди́н Госпо́дь, Иису́с Христо́с, во сла́ву Бо́га Отца́, ами́нь.

СвященникМи́ръ всѣ̑мъ.Мир всем.

ХорИ҆ дх҃ови твоемꙋ̀.И ду́хови твоему́.

ДиаконГлавы̑ ва́шѧ гдⷭ҇ви приклони́те.Главы́ ва́шя Го́сподеви приклони́те.

ХорТебѣ̀ гдⷭ҇и.Тебе́ Го́споди.

СвященникБл҃года́тїю, и҆ щедро́тами, и҆ человѣколю́бїемъ є҆диноро́днагѡ сн҃а твоегѡ̀, съ ни́мже бл҃гослове́нъ є҆сѝ, со прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ.Благода́тию, и щедро́тами, и человеколю́бием единоро́днаго сы́на твоего́, с ни́мже благослове́н еси́, со пресвяты́м и благи́м и животворя́щим твои́м Ду́хом, ны́не и при́сно, и во ве́ки веко́в.

ХорА҆ми́нь.Ами́нь.

Священникпро себяВонмѝ, гдⷭ҇и і҆и҃се хрⷭ҇тѐ бж҃е на́шъ, ѿ ст҃а́гѡ жили́ща твоегѡ̀, и҆ ѿ престо́ла сла́вы ца́рствїѧ твоегѡ̀, и҆ прїидѝ во є҆́же ѡ҆свѧти́ти на́съ, и҆́же горѣ̀ со ѻ҆ц҃е́мъ сѣдѧ́й, и҆ здѣ̀ на́мъ неви́димѡ спребыва́ѧй: и҆ сподо́би держа́вною твое́ю рꙋко́ю препода́ти на́мъ пречи́стое тѣ́ло твоѐ и҆ честнꙋ́ю кро́вь, и҆ на́ми всѣ̑мъ лю́демъ.Вонми́, Го́споди иису́се Христе́ бо́же наш, от Свята́го жили́ща твоего́, и от престо́ла Сла́вы ца́рствия твоего́, и прииди́ во е́же освяти́ти нас, и́же горе́ со отце́м седя́й, и зде нам неви́димо спребыва́яй: и сподо́би держа́вною твое́ю руко́ю препода́ти нам пречи́стое Те́ло твое́ и честну́ю Кровь, и на́ми всем лю́дем.

Священникпро себяБл҃годари́мъ тѧ̀, цр҃ю̀ неви́димый, и҆́же неисче́тною твое́ю си́лою всѧ̑ содѣ́тельствовалъ є҆сѝ, и҆ мно́жествомъ ми́лости твоеѧ̀ ѿ небытїѧ̀ въ бытїѐ всѧ̑ приве́лъ є҆сѝ: са́мъ влⷣко, съ нб҃сѐ при́зри на подкло́ншыѧ тебѣ̀ главы̑ своѧ̑, не бо̀ подклони́ша пло́ти и҆ кро́ви, но тебѣ̀ стра́шномꙋ бг҃ꙋ. ты̀ ᲂу҆̀бо влⷣко, предлежа̑щаѧ всѣ̑мъ на́мъ во благо́е и҆зравнѧ́й, по коегѡ́же свое́й потре́бѣ: пла́вающымъ спла́вай, пꙋтеше́ствꙋющымъ спꙋтеше́ствꙋй, недꙋ́гꙋющыѧ и҆сцѣлѝ, врачꙋ̀ дꙋ́шъ и҆ тѣле́съ.Благодари́м тя, Царю́ неви́димый, и́же неисче́тною твое́ю си́лою вся соде́тельствовал еси́, и мно́жеством ми́лости твоея́ от небытия́ в бытие́ вся приве́л еси́: сам влады́ко, с небесе́ при́зри на подкло́ншыя тебе́ главы́ своя́, не бо подклони́ша Пло́ти и Кро́ви, но тебе́ стра́шному Бо́гу. ты у́бо влады́ко, предлежа́щая всем нам во благо́е изравня́й, по коего́же свое́й потре́бе: пла́вающым спла́вай, путеше́ствующым спутеше́ствуй, неду́гующыя исцели́, врачу́ душ и теле́с.

ХорДа и҆спо́лнѧтсѧ ᲂу҆ста̀ на́шѧ хвале́нїѧ твоегѡ̀ гдⷭ҇и, ꙗ҆́кѡ да пое́мъ сла́вꙋ твою̀, ꙗ҆́кѡ сподо́билъ є҆сѝ на́съ причасти́тисѧ ст҃ы̑мъ твои̑мъ, бж҃е́ствєннымъ, безсмє́ртнымъ и҆ животворѧ́щымъ та́йнамъ, соблюдѝ на́съ во твое́й ст҃ы́ни ве́сь де́нь поꙋча́тисѧ пра́вдѣ твое́й. а҆ллилꙋ́їа, а҆ллилꙋ́їа, а҆ллилꙋ́їа.Да испо́лнятся уста́ на́шя хвале́ния твоего́ Го́споди, я́ко да пое́м сла́ву твою́, я́ко сподо́бил еси́ нас причасти́тися святы́м твои́м, боже́ственным, безсме́ртным и животворя́щым та́йнам, соблюди́ нас во твое́й святы́ни весь день поуча́тися пра́вде твое́й. аллилу́иа, аллилу́иа, аллилу́иа.

ДиаконПро́сти прїи́мше бж҃е́ственныхъ, ст҃ы́хъ, пречⷭ҇тыхъ, безсме́ртныхъ, небе́сныхъ и҆ животворѧ́щихъ, стра́шныхъ хрⷭ҇то́выхъ та̑инъ, досто́йнѡ благодари́мъ гдⷭ҇а.Про́сти прии́мше боже́ственных, Святы́х, пречи́стых, безсме́ртных, небе́сных и животворя́щих, стра́шных Христо́вых та́ин, досто́йно благодари́м Го́спода.

ХорГдⷭ҇и поми́лꙋй.Го́споди поми́луй.

ДиаконЗастꙋпѝ, спасѝ, поми́лꙋй и҆ сохранѝ на́съ бж҃е твое́ю бл҃года́тїю.Заступи́, спаси́, поми́луй и сохрани́ нас бо́же твое́ю благода́тию.

ХорГдⷭ҇и поми́лꙋй.Го́споди поми́луй.

ДиаконДе́нь ве́сь соверше́нъ, ст҃ъ, ми́ренъ и҆ безгрѣ́шенъ и҆спроси́вше, са́ми себѐ и҆ дрꙋгъдрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ.День весь соверше́н, Свят, ми́рен и безгре́шен испроси́вше, са́ми себе́ и другъдру́га, и весь живо́т наш Христу́ Бо́гу предади́м.

ХорТебѣ̀ гдⷭ҇и.Тебе́ Го́споди.

СвященникꙖ҆́кѡ ты̀ є҆сѝ ѡ҆свѧще́нїе на́ше, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ.Я́ко ты еси́ освяще́ние на́ше, и тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

ХорА҆ми́нь.Ами́нь.

СвященникСъ ми́ромъ и҆зы́демъ.С ми́ром изы́дем.

ХорѠ҆ и҆́мени гдⷭ҇ни.О и́мени Госпо́дни.