Чтения · 5 февраля 2025

Чтения дня

5 февраля 2025 · Среда

Апостол

Первое послание Петра

4:1–11

Христу́ у́бо пострада́вшу за ны Пло́тию, и вы в ту же мысль вооружи́теся: зане́ пострада́вый Пло́тию, преста́ от греха́, во е́же не ктому́ челове́ческим по́хотем, но во́ли бо́жией про́чее во Пло́ти жи́ти вре́мя. Довле́ет бо вам мимоше́дшее вре́мя жития́, во́лю язы́ческую твори́вшым, хо́ждшым в нечистота́х, в по́хотех, (в мужело́жстве, в скотоло́жстве, в по́мыслех,) в пия́нстве, в козлогласова́ниих, в лихоима́нии и богоме́рзких идолослуже́ниих: о не́мже дивя́тся, не сходя́щымся вам в то́же блуда́ разлия́ние, ху́ляще: и́же воздадя́т Сло́во гото́ву су́щему суди́ти живы́м и ме́ртвым. На се бо и ме́ртвым благовести́ся, да суд у́бо прии́мут по челове́ку Пло́тию, поживу́т же по Бо́зе ду́хом. Всем же кончи́на прибли́жися. Оуцелому́дритеся у́бо и трезви́теся в моли́твах. Пре́жде же всех друг ко дру́гу любо́вь приле́жну име́йте, зане́ любо́вь покрыва́ет мно́жество грехо́в. Страннолю́бцы друг ко дру́гу, без ропта́нии. Ки́йждо я́коже прия́т дарова́ние, между́ себе́ сим служа́ще, я́ко до́брии строи́телие разли́чныя благода́ти Бо́жия. А́ще Кто глаго́лет, я́ко словеса́ Бо́жия: а́ще Кто слу́жит, я́ко от кре́пости, ю́же подае́т Бог: да о всем сла́вится Бог Иису́с Христо́м, ему́же есть сла́ва и держа́ва во ве́ки веко́в. Ами́нь.

· · ·

Евангелие

Евангелие от Марка

12:28–37

И присту́пль еди́н от кни́жник, слы́шав их стяза́ющихся и ви́дев, я́ко до́бре отвеща́ им, вопроси́ его́: ка́я есть пе́рвая всех за́поведий; Иису́с же отвеща́ ему́: я́ко пе́рвейши всех за́поведий: слы́ши, Изра́илю, Госпо́дь Бог ваш Госпо́дь еди́н есть: и возлю́биши Го́спода Бо́га твоего́ всем се́рдцем твои́м, и все́ю душе́ю твое́ю, и всем умо́м твои́м, и все́ю кре́постию твое́ю: сия́ есть пе́рвая за́поведь. И втора́я подо́бна Ей: возлю́биши бли́жняго своего́ я́ко сам себе́. Бо́льшая сею́ и́на за́поведь несть. И рече́ ему́ кни́жник: до́бре, учи́телю, вои́стинну рекл еси́, я́ко еди́н есть Бог, и несть ин ра́зве его́: и е́же люби́ти его́ всем се́рдцем, и всем ра́зумом, и все́ю душе́ю, и все́ю кре́постию: и е́же люби́ти бли́жняго я́ко себе́, бо́ле есть всех всесожже́ний и жертв. Иису́с же ви́дев, я́ко смы́сленно отвеща́, рече́ ему́: не дале́че еси́ от Ца́рствия Бо́жия. И никто́же сме́яше ктому́ его́ вопроси́ти. И отвеща́в Иису́с глаго́лаше, учя́ в Це́ркви: ка́ко глаго́лют кни́жницы, я́ко Христо́с сын есть Дави́дов; Той бо Дави́д рече́ Ду́хом святы́м: глаго́ла Госпо́дь Го́сподеви моему́: седи́ одесну́ю мене́, до́ндеже положу́ враги́ твоя́ подно́жие нога́ма твои́ма. Сам у́бо Дави́д глаго́лет его́ Го́спода: и отку́ду сын ему́ есть; И мног наро́д послу́шаше его́ в сла́дость.

Заметки к тексту

О текстах чтения

Церковнославянский — это язык, на котором читают в храме. На сайте показан в гражданском начертании: современная кириллица, без выносных букв и знаков сокращения. Грамматика и порядок слов сохранены.

Синодальный перевод — русская Библия, подготовленная Святейшим Синодом и изданная в XIX веке. В читательском режиме убраны номера стихов — они превращают чтение в справочник, и квадратные скобки: ими переводчики помечали слова, подставленные из Септуагинты (древнегреческий перевод Ветхого Завета III века до Р. Х.) или из славянской Библии.

Почему Апостол — а потом Евангелие

На Литургии сначала звучит Апостол, потом Евангелие. Апостол — слово посланника Христа; его читает чтец с амвона. Евангелие — слово Самого Христа: при его чтении выносят свечи, диакон кадит и благословляет книгой.

Апостольское чтение готовит слух — как пророки и Предтеча готовили путь Христу. Евангелие — сама встреча с Ним. Так это объяснял Николай Кавасила в XIV веке.

Порядок чтения в году

Церковь проходит Писание по порядку, книга за книгой, неделя за неделей. Отсчёт — от Пасхи. За год Апостол прочитывают почти целиком. Евангелия распределены по сезонам: Иоанн — от Пасхи до Пятидесятницы, Матфей — летом, Лука — осенью, Марк — на стыках.

В двунадесятые праздники, дни памяти великих святых, в субботы и воскресенья Великого поста звучит особое чтение — связанное с праздником или со святым. Иногда оно заменяет рядовое, иногда добавляется к нему.